АНОНС

САҢЫРАУ ЖӘНЕ НАШАР ЕСТИТІН АДАМДАР ҮШІН ОҚЫТУДЫҢ ЖАҢА МҮМКІНДІКТЕРІ

Еңбек және халықты әлеуметтік қорғау министрлігінің деректері бойынша, Қазақстанда есту бойынша 18,4 мың мүгедектің тек 28 пайызы ғана, яғни 5,2 мың адам жұмысқа орналастырылды. Сөйлеу қабілеті бұзылған 4,7 мың адамның ішінен мыңнан астам адам жұмыспен қамтылған. Осындай теңсіздікті азайту мақсатында Қазақстан қолөнершілер одағы " Ашық шеберханалар. Киіз" атты жобасының басталғаны жайлы хабарлайды.

Жобаның мақсаты-есту қабілеті шектеулі (саңырау және нашар еститін) адамдарды жүнді өңдеу, киіз және киіз бұйымдарын жасау өнеріне үйрету.

Жоба Еуразия Қорының өңірлік кеңсесі жүзеге асыратын және АҚШ Халықаралық даму агенттігі (USAID) қаржыландыратын Орталық Азиядағы азаматтық қоғамды қолдау жөніндегі бағдарламаның қолдауымен ұйымдастырылды.

Пандемия жағдайларын ескере отырып, біз оқыту онлайн –нысанда өтетінін және білікті сурдоаудармамен қамтамасыз етілетінін қарастырдық. Алғашқы онлайн-сабақтар 21 қазаннан бастап қолжетімді болады, практикалық жаттығуларды орындауға және киіз басу техникасын үйретуге баса назар аудара отырып, барлығы 8 сабақ көзделген. Онлайн оқытуға қолжетімділік 5 қаңтарда жабылады.

Оқу курсынан өткеннен кейін және оқытушымен орындалған жұмыстарды талдағаннан кейін, есту қабілеті шектеулі адамдар жаңа мамандық пен қосымша табыс алу мүмкіндігіне ие болады. Сондай-ақ, біз жоба шеңберінде қолөнерді онлайн оқыту әдістемесін пысықтайтын боламыз және оқушы-жаттықтырушы кері байланысын қолдайтын боламыз, оны кейіннен қолөнердің басқа түрлерін оқыту кезінде пайдалануға болады.

Есту қабілеті шектеулі адамдар үшін оқу ақысыз, жасына байланысты болмайды. Басқа тілек білдірушілер де оқудан өте алады, бірақ ақылы негізде.

Оқу курсына тіркелу электрондық поштаға жазбаша өтінім түрінде жүргізіледі om.voilok@gmail.com.  сабақтарды ұйымдастыру және мазмұны бойынша барлық сұрақтарды жоба үйлестірушісі Әсел Шалахметоваға жолдау қажет: +77772030093, ashalakhmetova@gmail.com.