Алматыда қала тұрғындарына көшет тарату акциясы басталды. Көпқабатты үйлер ауласы мен қоғамдық кеңістіктерді көгалдандыруға ниетті әрбір адам көшеттерді тегін ала алады. Өтінім 20 қыркүйек пен 1 қазан аралығында қабылданады. Бір адамға 20 көшетке дейін беріледі.

Акцияға қатысушылар үш жыл бойы егілген талдарды күтіп-баптау туралы кепілді міндеттемеге қол қояды.

Қатысу үшін:

- Аты-жөніңіз, телефон нөміріңіз және тал егетін орынның нақты мекенжайы.
- Тал егілетін орынның фотосы. Панорамалық форматта болғаны жөн.
- Сұралған көшеттің саны.
- Бұл деректерді Jasyl.aula.almaty@gmail.com электронды поштасына жіберу керек.

Көшеттер 7, 8, 14, 15 қазан күндері таратылады.
Мекенжайы: Әуезов ауданы, Юрий Ким көшесі, 9 үй («Eco Almaty» ЖШС).

Егілген соң фото есеп жолдау қажет
Толық ақпарат: +7 707 724 9697

Источник: https://www.instagram.com/p/CxasMfluC4t/