Ел өңірлерінде «Aqyl Battle Cup» ойынының финалдық кезеңіне қатысатын азаматтардың есімдері белгілі болды. Сонымен, зияткерлік сайыстың финалына 180 жас азамат қатыспақ.

Ойын финалы кезінде қатысушылардан 60 команда құрылады. Осылайша, «Aqyl Battle Cup»-тың үшінші кезеңінде әр аймақтың намысын 35 жасқа дейінгі 3 адамнан тұратын 3 команда қорғайды. Мұндай шешім командалар өз ресурстарын барынша тиімді пайдалана алуы үшін қабылданған болатын.
Командалардың ойынын қоғам қайраткерлері мен түрлі саладағы сарапшылар бағалайды.
⠀
Өңірлерден «Aqyl Battle Cup»-тың финалдық кезеңіне қатысушылардың жататын орны мен тамақтануына жұмсалатын шығындарды ұйымдастырушылар өз мойнына алмақ.
⠀
Зияткерлік сайыстың жүлде қоры 2,6 млн теңгені құрайды.
Зияткерлік командалық ойынның финалы Республика күні қарсаңында Астана қаласында өтеді деп жоспарланған.
Айта кетейік, «Aqyl Battle Cup» республикалық зияткерлік ойыны «Тіл тағдыры – ел тағдыры» жобасы аясында іске асырылып жатыр.

Источник: https://www.instagram.com/p/Cvo4WnnNsHi/