ХАБАРЛАНДЫРУ

Инклюзивті әлеуметтік жобалар мен бастамаларды іске асыруды қолдау мақсатында 21 маусымда Азаматтық бастамаларды қолдау орталығының базасында швейцариялық IT-маман әрі кәсіпкер, сондай-ақ Dybuster компаниясының негізін қалаушы Кристиан Вегелимен кездесу өтеді.
⠀
Оның компаниясының математика мен жазуды оқытудың инклюзивті әдісіне қатысты шешімі бүгінде Швейцариядағы, Нидерландыдағы, Оңтүстік Америкадағы, Германиядағы және басқа елдердегі мемлекеттік мектептер жүйесінде кеңінен қолданылып жүр.
⠀
Іс-шара барысында шетелдік қонақ оқу процессінде қиындықтарға тап болатын адамдарды қолдауға арналған әртүрлі құралдарды әзірлеу тәжірибесі туралы, соның ішінде дислексияға шалдыққан балаларға көмек көрсететін Dybuster жобасы туралы айтып береді.
⠀
Орталық ҮЕҰ өкілдерін Орталықтың Facebook парақшасында көрсетілетін кездесуге қатысуға шақырады.
Басталуы сағат 17:30-да.