Құрметті әріптестер!

Педагогикалық Ғылымдар Академиясы Ақпарат және қоғамдық даму министрлігі және Азаматтық бастамаларды қолдау орталығының қолдауымен маусым және қараша айлары аралығында «Абайдың 175 жылдығына арналған «Мүшайра» республикалық жас ақындар конкурсын ұйымдастыру бойынша іс-шаралар кешенін өткізу» жобасын жүзеге асыруда.

Жоба міндеттері: 16-29 жас аралығындағы жастарды ынталандыру; қазіргі заманғы әдебиет пен журналистиканы насихаттау; жас жазушылар мен ақындардың шығармашылық әлеуетін қолдау және дамыту; жас ақындар мен жазушылардың жаңа есімдерін анықтау, олардың шығармашылығын қолдау; жастарды рухани байыту және мемлекеттік тілді танымал ету; жастардың шығармашылық ізденісін арттыруға жәрдемдесу.

Жоба аясында келесі іс-шараларды іске асыру жоспарланған: 14 облыста және Нұр-Сұлтан, Алматы, Шымкент қалаларында қазақ тілінде кәсіби әдеби жазба дағдыларын үйрету арқылы жас жазушылардың, ақындардың, журналистердің және жастардың басқа да санаттарының шеберлігін арттыру бойынша тренинг өткізу; тәуелсіз елдің жетістіктерін, оның тарихи өткенін және жарқын болашағын дәріптеу мақсатында 14 облыста және Нұр-Сұлтан, Алматы, Шымкент қалаларында «Мүшайра» жас ақындарының іріктеу және қорытынды республикалық конкурстарын өткізу;

белгілі ақын-жазушылармен «Өз талантыңды қалай ашуға болады және қалай жазу керек» тақырыбында кездесулер мен мастер-класстар өткізу; жас ақындардың сауалнамалық деректерін жинау және олардың өмірбаяны жазылған ақпараттық жинақ жасау.

Сізден осы жоба жөнінде ақпарат бере отырып, оған қолдау көрсетуді өтінеміз.