СДУ-ДАН ДАРЫНДЫ БАЛАЛАРҒА ҚОЛДАУ: ОЛИМПИАДА НӘТИЖЕСІНДЕ ТАЛАПКЕР ГРАНТ ҰТЫП АЛАДЫ

Биыл Сулейман Демирел университеті мектеп бітіруші түлектерге арналған SPT олимпиадасын ұйымдастырып жатыр. Негізгі мақсаты – еліміздің түкпір-түкпіріндегі дарынды балаларды анықтай отырып, оларға ұлттық бірыңғай тестілеу алдында алдын ала грант немесе оқу ақысына жеңілдік ұсыну арқылы қолдау көрсету және кәсіби бағыт-бағдар беру.

Олимпиаданың үздік нәтиже көрсеткен қатысушылары Сулейман Демирел университетінің 4 жылға жарамды 264 грант пен жеңілдіктің біріне ие болады.

SPT олимпиадасына мектепті немесе колледжді 2020 жылы бітіретін талапкерлер қатысады. Талапкерлер үшін бұл таптырмас мүмкіндік, өйткені:

• Олимпиадаға қатысу тегін;
• Олимпиада сұрақтары мектеп бағдарламасының деңгейінде;
• Қатысушы өзінің ҰБТ-дағы бейіндік пәндерінен емтихан тапсырады;
• Оқушының өз дайындығын тексеріп көру мүмкіндігі;
• Қатысушының өз қаласында қатысу мүмкіндігі бар.

Олимпиада 2020 жылы 1 наурыз күні Қазақстанның 22 қаласында бір мезгілде өтеді.

Қатысу үшін http://sdu.edu.kz/spt/ сайтында 20 ақпанға дейін онлайн түрде тіркелу керек.