Кез келген жобаның табыстылығының маңызды көрсеткіштерінің бірі – оның тұрақтылығы.
Кез келген жобаның табыстылығының маңызды көрсеткіштерінің бірі – оның тұрақтылығы.
Өткен жылы Қазақстанның төрт өңірінде мемлекеттік даму бағдарламаларына мониторинг жүргізуге бағытталған, Еуропалық Одақтың қолдауымен жүзеге асырылған жоба аяқталды. Сегіз ай бойы жүргізілген бірлескен жұмыс барысында сарапшылар даярланып, қоғамдық мониторинг тетіктері сынақтан өткізілді, мемлекеттік бағдарламаларға талдау жасалып, практикалық ұсынымдар әзірленді.
Бүгінде бұл жұмыс жобамен бірге аяқталмағанын көріп отырмыз. Су ресурстарын басқару мәселелері азаматтық қоғамның назарында әлі де қалып отыр. Сарапшылар далалық зерттеулер, қоғамдық мониторинг және мемлекеттік шешімдердің тиімділігіне талдау жүргізуді жалғастыруда.
Жоба аясында су ресурстарын тиімді басқару мәселелері, оның ішінде Ертіс–Үспенка каналы зерттелсе, бүгінде қоғамдық назар жаңа нысандарға, атап айтқанда Ертіс–Қарағанды каналының су ресурстары мен өңір экожүйесінің жағдайына ықпалына аударылып отыр.
Зерттеулердің жалғасуымен қатар азаматтық қоғамның қатысу үдерісінің сақталуы да ерекше маңызды. Тәуелсіз мониторинг, сараптамалық талдау және қоғамдық бақылау мемлекеттік органдарға арналған ұсынымдарды әзірлеудің маңызды бөлігі болып қала береді.
Зерттеудің жаңа кезеңімен мына сілтеме арқылы танысуға болады:
Бұл жұмыстың нәтижелері де жаңа практикалық ұсынымдарға негіз болып, су ресурстарын басқару саласындағы мемлекеттік саясатты жетілдіруге ықпал етеді деп сенеміз.
Жобаның тұрақтылығы дәл осылай көрінеді: жоба ресми түрде аяқталғаннан кейін де қалыптасқан серіктестік, сарапшылық құзыреттер және қоғамдық мониторинг тетіктері өз жұмысын жалғастырады.
