ҚАЖ мекемелері маңындағы байланыс сапасын талқылау өтті

Ақпараттық-ресурстық орталығы азаматтық қоғам субъектілері орындайтын мемлекеттік бағдарламалардың мониторингі бойынша жұмыстарды жалғастыруда.

Қостанай облысы бойынша Қылмыстық-атқару жүйесі департаменті алаңында «Азаматтық қоғам субъектілері орындайтын мемлекеттік даму бағдарламаларының мониторингі» жобасы аясында кездесу өтті. Жоба «Ақпараттық ресурстық орталығы» ҚҚ мен Еуропалық Одақтың қаржылай қолдауымен жүзеге асырылуда.

Кездесуді Қостанай облыстық журналистер одағы ұйымдастырды. Оған облыстық мәслихат депутаттары, ҚБК өкілдері, «Барыс» ЖШС, сондай-ақ Қостанай облысы әкімдігінің Ақпараттандыру және мемлекеттік қызмет көрсету басқармасы қатысты.

Кездесуде қылмыстық-атқару жүйесі мекемелеріне жақын орналасқан тұрғын үйлердегі байланыс сапасы мәселесі талқыланды. Азаматтар байланыс пен интернет сигналының бұғатталуына байланысты цифрлық қолжетімділіктің төмен екендігін атап өтті.

Талқылау барысында сигналды бұғаттау аймағын 50 метрге дейін қысқарту, байланыс сапасын арттыру және цифрландыру бойынша бірлескен шаралар қабылдау ұсынылды.

Жоба мемлекеттік бағдарламаларды іске асырудың ашықтығын арттыруға және азаматтық қоғамның бақылау процесіне қатысуына бағытталған.

Бұл материал Еуропалық Одақтың қаржылай қолдауымен жүзеге асырылып жатқан жоба аясында дайындалды. Мазмұны авторлардың көзқарасын білдіреді және Еуропалық Одақтың ресми ұстанымымен сәйкес келмеуі мүмкін.