«Таза Қазақстан» бағдарламасын іске асыру: Қостанай облысындағы экологиялық тәрбие және цифрландыру

«NECO» қоғамдық бірлестігі Қостанай облысында «Таза Қазақстан» бағдарламасының орындалуын мониторингтеу жобасы аясында мемлекеттік органдар мен білім беру мекемелерінің өкілдерімен бірқатар подкасттар өткізді.

Подкасттарға Білім басқармасы, Энергетика және тұрғын үй-коммуналдық шаруашылық басқармасы, сондай-ақ Табиғи ресурстар және табиғатты пайдалануды реттеу басқармасы өкілдері қатысты.
Кездесулерде экологиялық мәдениетті арттыру, жасыл екпелердің есебін цифрландыру және мектептік бастамаларды дамыту бағытындағы нақты қадамдар талқыланды.

Экологиялық тәрбие: балалар — өзгеріс драйвері

???? Өңірде бүгінде 70 мектептік экологиялық үйірме жұмыс істейді, оларда 1108 оқушы қатысады.
???? Сонымен қатар 5 тәжірибелік учаске (84 оқушы), 4 эксперименттік алаң (65 оқушы) және 23 экологиялық үйірме (593 оқушы) бар.
???? 332 мектепте «Жасыл клубтар» ашылған, олардың құрамында 4406 оқушы бар.

Бұл алаңдарда оқушылар өздерінің экологиялық жобаларын әзірлеп, байқаулар мен экологиялық акцияларға қатысады.
Мұндай бастамалар экологиялық тәрбиенің тәжірибелік орталықтарына айналып отыр.

«Жасыл карта»: түгендеу және цифрландыру

Энергетика және ТҮКШ басқармасының өкілдері өңірде жасыл екпелерді түгендеу және цифрлық есепке алу жұмыстары жүргізіліп жатқанын атап өтті.
Бүгінгі таңда 4000-нан астам ағаш өңделіп, кесу және паспорттау жоспары орындалуда.

2026 жылға қарай облыста жасыл екпелердің толық цифрландырылған базасы жасалып, экологиялық мониторинг жүйесі кеңейтіледі.

Мониторинг және экобақылау

Бағдарлама аясында Қостанай облысында:

экологиялық нормалардың бұзылуын анықтау үшін 165 бейнекамера орнатылды;

40 экобокс орналастырылды;

өрт қауіпсіздігі бойынша рейдтер өткізілді;

табиғи ресурстарды ұтымды пайдалану бағытында аймақтық кездесулер мен акциялар ұйымдастырылды.

Подкасттар азаматтық қоғам, мемлекеттік органдар мен сарапшылар арасындағы ашық диалог алаңына айналып, «Таза Қазақстан» тұжырымдамасын іс жүзінде жүзеге асыру жолдарын талқылауға мүмкіндік берді.

Жоба «NECO» ҚБ тарапынан Еуропалық Одақтың қаржылай қолдауымен және «Ақпараттық-ресурстық орталығы» ҚҚ серіктестігімен жүзеге асырылуда.

Бұл материал Еуропалық Одақтың қаржылай қолдауымен жүзеге асырылып жатқан жоба аясында дайындалды.
Материалда келтірілген пікірлер авторлардың жеке көзқарасы болып табылады және Еуропалық Одақтың ресми ұстанымын білдірмеуі мүмкін. Экологическое воспитание и цифровая инвентаризация: как в Костанайской области реализуется программа «Таза Қазақстан»