Түркістан облысындағы мемлекеттік бағдарламалардың іске асырылуын мониторингтеу бойынша «Мәртебе плюс» ҚБ-нің жұмысы

«Мәртебе плюс» қоғамдық бірлестігі Еуропалық Одақтың қаржылық қолдауымен мемлекеттік даму бағдарламаларын мониторингтеу жобасын белсенді түрде жүзеге асыруда.

2025 жылдың қазан айында ұйым өңірдегі жұмыспен қамту бағдарламаларының тиімділігін талдау және әлеуметтік әріптестікті дамыту мақсатында бірқатар іс-шаралар өткізді.

Субсидияланатын жұмыс орындарын іске асыру нәтижелері

Мониторинг нәтижелері бойынша Түркістан облысында жұмыспен қамту жоспары 107 %-ға орындалды (33 388 адам).

Қатысушылардың 98,5 %-ы зейнетақы аударымдарын алды;

99,7 %-ы электронды еңбек шарттарын рәсімдеді;

30 мыңнан астам адам бағдарламаға қатысып, олардың жартысы тұрақты жұмысқа орналасты.

«Еңбек» бағдарламасының бағыттары бойынша:

Әлеуметтік жұмыс орындары — 104,3 %

Жастар практикасы — 101,6 %

Қоғамдық жұмыстар — 110,1 %

Алғашқы жұмыс орны — 114,8 %

«Күміс жас» бағыты — 110,6 %

Жоба жетекшісі Хамида Арипханова еңбек нарығындағы оң үрдістер мен ресмилендіру деңгейінің жоғары екенін атап өтті.

 «Әлеуметтік әріптестік және еңбек қатынастарын дамыту» тақырыбындағы кездесу

Жоба аясында Шымкент қаласында Түркістан облысы кәсіпкерлер палатасы және «PARYZ» РҚ Конфедерациясы бірлесіп кездесу өткізді.

Кездесуде әлеуметтік әріптестікті дамыту, еңбек саласындағы өзекті мәселелер мен жұмыс берушілердің құқықтары мен міндеттері талқыланды.
Кездесу қорытындысында бизнес, мемлекет және кәсіподақтар арасындағы диалогты нығайту тұрақты әрі ашық еңбек нарығын қалыптастыруға ықпал ететіні атап өтілді.

Жоба Еуропалық Одақтың қаржылық қолдауымен жүзеге асырылады.
Бұл материал автордың көзқарасын білдіреді және ол Еуропалық Одақтың ресми ұстанымымен сәйкес келмеуі мүмкін