Жетісу облысы: интернет қолжетімді ме? 

«Жетісу әйелдерінің ауылдық желісі» Қоғамдық бірлестігі Еуропалық Одақтың қолдауымен «Қолжетімді интернет» мемлекеттік бағдарламасының іске асырылуына қоғамдық мониторинг жүргізу жұмысын жалғастыруда.

Жобаның негізгі мақсаты – ауылдық аймақтарда интернетке қолжетімділікті арттыру, білім беру, денсаулық сақтау және әлеуметтік қызмет көрсету салаларында цифрлық инфрақұрылымды дамытуға қоғамдық бақылау орнату.

 Есепті кезеңде атқарылған жұмыстар:

✅ Фокус-топтар өткізілді – Үштөбе және Текелі қалаларында тұрғындар, ұстаздар мен мектеп әкімшілігі өкілдерінің қатысуымен интернет сапасына қатысты өзекті мәселелер талқыланды.

✅ Мониторингтік сапарлар жасалды – Сарқан және Алакөл аудандарындағы 9 ауылдық елді мекенде (Тасқұдық, Черкаск, Ушбулак, Қабанбай, Ақжар, Ушқайын, Қарлығаш және басқалар) интернет желісінің жағдайы зерттелді.

✅ 750-ден астам тұрғыннан сауалнама алынды – Оффлайн және Google формалар арқылы тұрғындардың нақты пікірлері жинақталды.

✅ Негізгі проблемалар анықталды:
– Төмен жылдамдық пен жиі үзіліс болатын интернет
– Жоғары тарифтер және трафиктің жеткіліксіздігі
– Ауыл тұрғындарының мемлекеттік бағдарлама туралы хабарсыздығы
– Онлайн-білім беру барысында жарнама мен мазмұн сүзгісінің болмауы

✅ Ұсыныстар дайындалды және жергілікті органдарға жолданды – Цифрландыру басқармасына және мектеп әкімшіліктеріне техникалық және саяси ұсыныстар ұсынылды.

✅ БАҚ-та материалдар жарияланды:
– 1-мақала: 21 мамыр 2025 ж.
– 2-мақала: 10 маусым 2025 ж.

Алда тұрған міндеттер:

1. Ауыл тұрғындарын ақпараттандыруды жалғастыру
2. Цифрлық білім беру бойынша шағын тренингтер өткізу
3. Әкімдіктер мен мектептермен меморандумға қол қою
4.Интернет сапасын тұрақты мониторингтеу жүйесін енгізу
5. 10 000-нан астам адамды қамту

 Жоба не үшін маңызды?

Ауыл мен қала арасындағы цифрлық теңсіздік көптеген салаларда мүмкіндіктер шектеуіне алып келеді. Бүгінгі күні сапалы интернет – бұл тек байланыс құралы емес, білім алу, жұмыс істеу, медицина мен мемлекеттік қызметтерге қол жеткізудің негізгі шарты.

«Қолжетімді интернет» жобасы – осы олқылықтардың орнын толтыруға бағытталған нақты әрі жүйелі қадам.

https://encyclopedia.kz/2025/05/21/%d0%bc%d0%be%d0%bd%d0%b8%d1%82%d0%be%d1%80%d0%b8%d0%bd%d0%b3%d0%b0-%d0%bf%d1%80%d0%be%d0%b3%d1%80%d0%b0%d0%bc%d0%bc%d1%8b-%d0%b4%d0%be%d1%81%d1%82%d1%83%d0%bf%d0%bd%d1%8b%d0%b9-%d0%b8%d0%bd%d1%82/

https://www.instagram.com/ga.pvl?igsh=MWZzbmF1dDczN2s5bg==

Бұл жарияланым Еуропалық Одақтың қаржылық қолдауымен дайындалды. Оның мазмұны Ақпараттық ресурстық орталық Қорының толық жауапкершілігінде және Еуропалық Одақтың көзқарасын міндетті түрде білдірмейді.