Бүгін Алматы қаласы ҚҚ ақпараттық-ресурстық орталығы жүзеге асырып жатқан «Қазақстандағы саяси диалогтың негізгі құрамдас бөлігі ретінде азаматтық қоғам субъектілері жүзеге асыратын мемлекеттік даму бағдарламаларының мониторингі» жобасының орындалу барысын талқылау бойынша жұмыс отырысы өтті.
Күн тәртібіне мынадай ұйымдастырушылық мәселелер енгізілді:

1. Тренингтердің нәтижелерін талқылау, онда аймақтық үйлестірушілер қорытындыларды шығарып, оларды жүзеге асырудың оң және теріс жақтарын атап өтті.
2. Мемлекеттік бағдарламаларға мониторинг жүргізу үшін ҮЕҰ конкурсын жоспарлау, оның ішінде критерийлер мен қазылар алқасының құрамын талқылау.
Әлеуетті қатысушыларға арналған вебинар дайындау, онда жобаны жүзеге асырудың негізгі аспектілері, өтінімдерді беру, іске асыру және есеп беру кезіндегі маңызды сәттерді талқылау
Жұмыс кеңесінде Алматы, Қостанай, Түркістан, Павлодар облыстарының өңірлік үйлестірушілері мемлекеттік бағдарламалардың мониторингі және олардың нәтижелерін БАҚ-та жариялау бойынша ҮЕҰ-ға арналған тренингтердің қорытындысын шығарды. Жоба жетекшісі А.Көбеева атап өткендей, мемлекеттік бағдарламалардың мониторингі бойынша ҮЕҰ байқауының қазылар алқасының құрамына мемлекеттік сектордың, мемлекеттік бағдарламаларды жүзеге асыруға жауапты тиісті министрліктер мен ведомстволардың өкілдері, қоғамдық тәжірибелі ҮЕҰ кiруi қажет. Жоба үйлестірушілері ашықтық пен объективтілікті қамтамасыз ету үшін қазылар алқасының құрамына тәуелсіз бақылаушыларды, яғни халықаралық ұйымдардың өкілін, жоба серіктесін қосу қажеттігін де айтты.Отырыстағы мәселелердің бірі алдағы вебинар болды, онда үкіметтік емес ұйымдардың мемлекеттік бағдарламаларға мониторинг жүргізу конкурсының әлеуетті жеңімпаздары талқыланады. ҮЕҰ конкурсы туралы хабарландыру және жобаның келесі іс-шаралары https://www.civilcenteralmaty.kz орналасқан.