«Қазақстанның мемлекеттік даму бағдарламаларын қоғамдық бақылау нәтижелерін қалай қолжетімді және түсінікті етуге болады?»
«Қазақстанның мемлекеттік даму бағдарламаларын қоғамдық бақылау нәтижелерін қалай қолжетімді және түсінікті етуге болады?»
Талдықорған, 9 қыркүйек, 2024 жыл.
9 қыркүйек күні Талдықорған қаласында, «Көктем Гранд» қонақ үйінің конференц-залында, «Қазақстанның мемлекеттік даму бағдарламаларын бақылау нәтижелерін қоғамға таныстыру және БАҚ пен әлеуметтік медиада насихаттау әдістемесі» тақырыбындағы тренинг өтті. Тренингті Еуропалық Одақ қаржыландыратын Алматы қаласының “Ақпараттық-ресурстық орталық” қоғамдық қоры ұйымдастырды.
Тренингке Талдықорған қаласы мен Жетісу облысының жетекші журналистері, сондай-ақ бірқатар қоғамдық ұйымдардың басшылары қатысты.
Тренингті ашып, «Ақпараттық-ресурстық орталық» қоғамдық қорының өкілі Братенков Александр мемлекеттік бағдарламаларды толыққанды жүзеге асырудағы қоғамдық бақылаудың маңыздылығын, сондай-ақ оның нәтижелері туралы халықты объективті және оперативті түрде хабардар ету қажеттілігін атап өтті.
Тренингті медиатренер, медиаконсультант Алпысова С.М. жүргізді.
Тренинг барысында қатысушылар:
- «Мемлекеттік даму бағдарламаларын бақылау» жобасының маңыздылығы мен негізгі мақсаттарын білді.
- Бақылау нәтижелерін тиімді және түсінікті түрде жариялау әдістемелерін, соның ішінде мәліметтерді визуализациялау, қарапайым тілмен түсіндіру, ақпаратты әр түрлі форматтарда ұсыну сияқты тәсілдерді үйренді.
- Журналистер үшін маңызды болған мәліметтерді қалай табу, оларды қалай тексеру және әсерлі түрде ұсыну туралы кеңестер алды.
- Журналистикадағы тиімді коммуникацияның негізгі принциптері туралы білім алды.
Тренингтің аяқталуында қатысушыларға сертификаттар табыс етілді.
Ұйымдастырушылар қатысушыларға белсенді қатысқаны мен тренинг тақырыбына деген қызығушылығы үшін алғыс білдіріп, бұл тренингтің Қазақстандағы мемлекеттік бағдарламаларды бақылаудың маңыздылығы туралы халықтың хабардарлығын арттыруға үлес қосатынына сенім білдірді.
Қосымша ақпарат алу үшін мына телефондарға хабарласыңыз:Ақпараттық-ресурстық орталық, тел.: +7 7758516615, e-mail: office.ircalmaty@gmail.com немесе Қазақстандағы ЕО делегациясымен delegation-kazakhstan-pic@eeas.europe.eu
|
 |
|||||
|
|||||
|
|
|||||
